ദുബായിൽ വാഹനാപകടത്തിൽ കൊല്ലപ്പെട്ടു

ദുബായ്: പയ്യന്നൂര്‍ അടുത്തില സ്വദേശി പറയന്തര വളപ്പിൽ പ്രദീപന്‍ (36) ദുബായിൽ വാഹനാപകടത്തില്‍ മരിച്ചു. കഴിഞ്ഞ ദിവസം ജോലി കഴിഞ്ഞു വീട്ടിലേക്ക് പോകുന്ന വഴിയില്‍ ഗിസയിസ് മദിന മാളിനടുത്തു വെച്ച് വാഹനമിടിക്കുകയായിരുന്നു.

2007 മുതല്‍ 2010 വരെ അജ്മാനിലെ പെന്‍ പ്രിൻറിങ്​ പ്രസില്‍ ജോലി ചെയ്തിരുന്ന പ്രദീപന്‍ പിന്നീട്​ ഷാര്‍ജ മൈസലൂന്‍ പ്രിൻറിങ്​ പ്രസിലും ഷാര്‍ജ ഫ്രീസോണിലെ ഡിസൈന്‍ ഇങ്ക് പരസ്യ കമ്പനിയിലും ജോലി ചെയ്​തിരുന്നു. ഷാർജ അംബാസഡര്‍ സ്കൂളിലെ അധ്യാപിക രചനയാണ് ഭാര്യ. മകന്‍: അദീപ്.

ദുബൈയിലെ സംഗീത സദസുകളില്‍ നിറസാന്നിധ്യമായിരുന്നു പ്രദീപനും ഭാര്യ രചനയും. നടപടി ക്രമങ്ങള്‍ പൂര്‍ത്തീകരിച്ച് മൃതദേഹം നാട്ടിലേക്ക് കൊണ്ടു പോകുമെന്ന് ബന്ധുക്കള്‍ അറിയിച്ചു.

Leave a Reply

Top