|
|
Kaliyattam, a video documentary on Theyyam with rare forms and rituals are available upon request. For further information please contact theyyam@payyanur.com | |
|
Payyanur Local News |
||
Affiliated To Payyanur Press Forum. Mobile: 9447482290 |
||
40 page(s)
| പയ്യന്നൂര് സ്കൂളുകള്ക്ക് മികച്ച വിജയം |
| പയ്യന്നൂര്: നഗരസഭ പരിധിയിലെ സ്കൂളുകള് ഇത്തവണ എസ്.എസ്.എല്.സി പരീക്ഷയില് മികച്ച വിജയം നേടി. കോറോം ഗവ: ഹയര് സെക്കന്ററി സ്കൂള് നൂറു ശതമാനം വിജയം നേടി ഒന്നാമതെത്തി. സെന്റ്. മേരീസ് ഗേള്സ് ഹൈസ്കൂള്- 99.6 , വെള്ളൂര് ഗവ: ഹൈ സ്കൂള്- 99.4 , തായനേരി സ്ക്കൂള്- 98,ഗവ: ബോയ്സ് സ്ക്കൂള്- 96, ഗവ: ഗേള്സ് ഹൈസ്കൂള്- 94, കണ്ടംകാളി മുനിസിപ്പല് ഹൈസ്ക്കൂള്- 99 എന്നീ വിദ്യാലയങ്ങളും മികച്ച വിജയമാണ് നേടിയത്. |
| Posted By: newsdesk On: 5/15/2008 9:26:02 PM |
|
|
| പീരങ്കി നമ്പീശന് അനുസ്മരണം |
 പയ്യന്നൂര്: സ്വാതന്ത്ര്യസമര സേനാനിയും ഹിന്ദി പ്രചാരകനുമായിരുന്ന വി.എം.ഗോവിന്ദന് നമ്പീശന്റെ (പീരങ്കി നമ്പീശന്) ഒന്നാം ചരമവാര്ഷികം മെയ് പതിനാറിന് ആചരിക്കും. നാലുമണിക്ക് ഗവ.ബോയ്സ് ഹൈസ്കൂളില് മുന്മന്ത്രി കെ.പി.നൂറുദ്ദീന് അനുസ്മരണസമ്മേളനം ഉദ്ഘാടനം ചെയ്യും. നഗരസഭാ ചെയര്മാന് ജി.ഡി.നായര് അധ്യക്ഷനാകും. പയ്യന്നൂര് ഹിന്ദിവിദ്യാപീഠവും ഗ്രന്ഥാലയവുമാണ് അനുസ്മരണം നടത്തുന്നത്. |
| Posted By: newsdesk On: 5/15/2008 9:16:21 PM |
|
|
| കോളേജ് സ്റ്റോപ്പില് ടൗണ് ബസ്സുകള്ക്ക് സ്റ്റോപ്പ് |
 പയ്യന്നൂര്:പയ്യന്നൂര് കോളേജ് സ്റ്റോപ്പില് കെ.എസ്.ആര്.ടി.സി ടൗണ് ടു ടൗണ് ബസ്സുകള്ക്ക് സ്റ്റോപ്പ് അനുവദിച്ചു. കോളേജ് അധികൃതര് നല്കിയ നിവേദനത്തിന്റെ അടിസ്ഥാനത്തിലാണിത്. കോളേജ് വിടുന്ന സമയത്ത് സ്വകാര്യബസ്സുകള് നിര്ത്താതെ പോകുന്നത് ഇവിടെ സംഘര്ഷത്തിന് ഇടയാക്കിയിരുന്നു. പോലീസാണ് പലപ്പോഴും വിദ്യാര്ഥികള്ക്ക് യാത്രാസൗകര്യം ഒരുക്കിയിരുന്നത്. പയ്യന്നൂര് കോളേജ്, സംസ്കൃത സര്വകലാശാല പയ്യന്നൂര് പ്രാദേശിക കേന്ദ്രം, കണ്ണൂര് സര്വകലാശാല കാമ്പസ് എന്നിവ പ്രവര്ത്തിക്കുന്നത് ഈ സ്റ്റോപ്പിനടുത്ത പ്രദേശങ്ങളിലാണ് |
| Posted By: newsdesk On: 5/15/2008 9:13:11 PM |
|
|
| കണ്ണൂര്-പയ്യന്നൂര് റൂട്ടില് ആറ് ബസ്സുകള്കൂടി |
| പയ്യന്നൂര്: പഴയങ്ങാടി-പിലാത്തറ വഴി കണ്ണൂര്-പയ്യന്നൂര് റൂട്ടില് തിങ്കളാഴ്ച മുതല് ആറ് പുതിയ കെ.എസ്.ആര്.ടി.സി. ബസ്സുകള് ഓടിത്തുടങ്ങും. പയ്യന്നൂരില് നിന്ന് ആറും കണ്ണൂരില്നിന്ന് മൂന്നുമായി ഒമ്പത് ബസ്സുകളാണ് ഈ റൂട്ടില് അനുവദിക്കപ്പെട്ടതെങ്കിലും കണ്ടക്ടര്മാരുടെ കുറവുകാരണം രണ്ട് ഡിപ്പോയില് നിന്നും മൂന്നുവീതമാണ് തിങ്കളാഴ്ച മുതല് ഓടിത്തുടങ്ങുക. നിലവിലുള്ളവ നിലനിര്ത്തിയായിരിക്കും പുതിയ സര്വീസുകള്. 1974ല് ദേശസാത്ക്കരിച്ച കണ്ണൂര്-പഴയങ്ങാടി-പയ്യന്നൂര് റൂട്ടില് 1976 ല് പഴയങ്ങാടി പാലം തുറന്നതോടെയാണ് സര്ക്കാര് ബസ്സുകള് ഓടിത്തുടങ്ങിയത്. 1994 വരെ കണ്ണൂരില് നിന്നും പയ്യന്നൂരില് നിന്നുമായി 15 ബസ്സുകള് ഓടിച്ചിരുന്നു. ഒപ്പം 'സ്റ്റുഡന്റ്സ് ഓണ്ലി' ബസ് ഓടിയ ഏക റൂട്ടും ഇതായിരുന്നു. പുതിയ ബസ്സുകള് എല്ലാം സര്വീസ് നടത്തുന്നതോടെ ഈ റൂട്ടില് 15 മിനുട്ട് ഇടവിട്ട് ബസ്സുകളുണ്ടാവും. രാവിലെ 5.30 മുതല് രാത്രി ഒമ്പതുവരെ പുറപ്പെടുന്ന രീതിയിലാണ് സമയ ക്രമീകരണം. |
| Posted By: newsdesk On: 5/15/2008 9:08:45 PM |
|
|
| കഥകളിയരങ്ങിന്റെ ദശവാര്ഷികം സമാപിച്ചു |
| പയ്യന്നൂര്: ദൃശ്യ-ശ്രാവ്യ-നടന വൈഭവങ്ങള് ഒരേവേദിയില് ഒരേസമയം സംഗമിപ്പിച്ച് പയ്യന്നൂര് കഥകളിയരങ്ങിന്റെ ദശവാര്ഷികാഘോഷങ്ങള് സമാപിച്ചു. ഞായറാഴ്ച ഉച്ചയ്ക്ക് ഒരേസമയം അരങ്ങേറിയ മയൂരനൃത്തവും പുലിനൃത്തവും ചെണ്ടമേളവും ആസ്വാദകരെ വിസ്മയം കൊള്ളിച്ചു. അമ്പതോളം കലാകാരന്മാര് ചേര്ന്നുള്ള ചെണ്ടമേളവും രണ്ടുപേരുടെ മയൂരനൃത്തവും കര്ണാടകയിലെ പുലി നൃത്തവും ഒരേസമയം ദൃശ്യ-നടന-ശ്രാവ്യ അനുഭൂതിയാണ് കലാസ്നേഹികള്ക്ക് നല്കിയത്. രാവിലെ കലാമണ്ഡലം ഈശ്വരനുണ്ണിയുടെ മിഴാവിന്മേല് തായമ്പകയും ജയരാജ് വാര്യരുടെ പ്രത്യേക പരിപാടിയും ഉണ്ടായി. തുടര്ന്ന് ഡോ.അനില സുനില്കുമാറിന്റെ ശാസ്ത്രീയ നൃത്തം അരങ്ങേറി. അബ്ദുറഹ്മാന്റെ പ്രസംഗവും ഗോപിക രാജീവിന്റെ സംഗീതപരിപാടിയും സമാപനപരിപാടിക്ക് മാറ്റുകൂട്ടി. വൈകിട്ട് കോട്ടയ്ക്കല് പി.എസ്.വി. നാട്യസംഘത്തിന്റെ തോരണയുദ്ധം കഥകളിയും അരങ്ങിലെത്തി. കലാമണ്ഡലം രാമചന്ദ്രന് ഉണ്ണിത്താന് മുഖ്യാതിഥിയായി. പോത്താങ്കണ്ടം ആനന്ദാശ്രമം സ്വാമി കൃഷ്ണാനന്ദഭാരതിയുടെ നേതൃത്വത്തില് നടക്കുന്ന കഥകളിയരങ്ങിന്റെ വൈവിധ്യമാര്ന്ന പരിപാടികള് ഏറെപ്പേരെയാണ് ആകര്ഷിക്കുന്നത്. |
| Posted By: newsdesk On: 5/12/2008 7:43:25 PM |
|
|
| എല്ലാ നാടന് കലകളും തെയ്യത്തില്് നിന്ന്: കാവാലം |
 പയ്യന്നൂര്: പ്രേക്ഷകമനസ്സിലേക്ക് നാടകത്തെ സന്നിവേശിപ്പിക്കാന് കഴിയുന്നവനാണ് യഥാര്ഥസംവിധായകനെന്ന് കാവാലം നാരായണ പണിക്കര് പറഞ്ഞു. പയ്യന്നൂര് കഥകളി അരങ്ങിന്റെ ദശവാര്ഷിക ഭാഗമായി നല്കിയ സ്വീകരണത്തിന് മറുപടി പറയുകയായിരുന്നു അദ്ദേഹം. കേരളത്തിലെ എല്ലാ പകര്ന്നാട്ട കലകളും നാടന്കലകളും തെയ്യത്തോട് കടപ്പെട്ടിരിക്കുന്നു. ഗ്രാമീണപാട്ടിന്റെ ഈണവും തുള്ളലിന്റെ താളവും സമന്വയിപ്പിച്ചാണ് താന് ആദ്യകാലനാടകങ്ങള് രൂപപ്പെടുത്തിയതെന്നും അദ്ദേഹം പറഞ്ഞു. ടി.പി.ഭാസ്കരപൊതുവാള് അധ്യക്ഷനായി. അഡ്വ. വി.ജയരാജ് പ്രസംഗിച്ചു. പോത്താങ്കണ്ടം ആനന്ദഭവനം സ്വാമി കൃഷ്ണാനന്ദഭാരതി സ്വാഗതം പറഞ്ഞു. പയ്യന്നൂര് കഥകളി അരങ്ങിന്റെ ഉപഹാരം സെക്രട്ടറി ടി.എം. ജയകൃഷ്ണന് കാവാലത്തിന് നല്കി. തുടര്ന്ന് കാവാലത്തിന്റെ തെയ്യത്തെയ്യം നാടകമുണ്ടായി. ശനിയാഴ്ച പ്രതിഭാസമ്മേളനവും പി.ജയചന്ദ്രന്റെ ഗാനമേളയും ഉണ്ടാവും. |
| Posted By: newsdesk On: 5/10/2008 8:40:45 AM |
|
|
| മിഷന്സ്കൂളിന് പുതിയ കെട്ടിടം നിര്മിക്കുന്നു |
 പയ്യന്നൂര്: പയ്യന്നൂരിലെ ആദ്യത്തെ ഔപചാരിക വിദ്യാലയമായ ബി.ഇ.എം.എല്.പി. സ്കൂളിന്(മിഷന് സ്കൂള്) നാല്പ്പത് ലക്ഷം രൂപ ചെലവില് നിര്മിക്കുന്ന പുതിയ കെട്ടിടത്തിന്റെ ശിലാസ്ഥാപന കര്മവും പ്രവൃത്തി ഉദ്ഘാടനവും ജില്ലാ പഞ്ചായത്ത് പ്രസിഡന്റ് കെ.കെ.നാരായണന് നിര്വഹിച്ചു. നിര്മാണ കമ്മിറ്റി ചെയര്മാന് പി.ബാലന് മാസ്റ്റര് അധ്യക്ഷനായി. കോര്പ്പറേറ്റ് മാനേജര് റവ. പോള് ഡേവിഡ് തോട്ടത്തില്, ഡോ. കെ.ഗോപിനാഥനില്നിന്ന് ആദ്യഫണ്ട് ഏറ്റുവാങ്ങി. സി.എസ്.ഐ. ബിഷപ്പ് റൈറ്റ് റവ. ഡോ. കെ.പി.കുരുവിള അനുഗ്രഹപ്രഭാഷണം നടത്തി. പയ്യന്നൂര് നഗരസഭാ ചെയര്മാന് ജി.ഡി.നായര്, വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന്, അഡ്വ. ശശി വട്ടക്കൊവ്വല്, എസ്.സി.ജോണ്, റവ. സി.സി.ചെറിയാന്, പി.പി.ലക്ഷ്മി, പിലാക്കാല് അശോകന്, സി.കെ.ശേഖരന്, ടി.കെ.നാരായണന്, അഡ്വ. കെ.വി.ശശിധരന് നമ്പ്യാര്, ജാക്വിലിന് ബിന്ന സ്റ്റാന്ലി എന്നിവര് പ്രസംഗിച്ചു. ഒരു നൂറ്റാണ്ട് പിന്നിടുന്ന സ്കൂളിനു പൂര്വ്വ വിദ്യാര്ഥികളും സ്കൂള് പി.ടി.എ.യും മാനേജ്മെന്റും ചേര്ന്നാണ് കെട്ടിടം നിര്മ്മിക്കുന്നത്. പി. ബാലന് മാസ്റ്റര് ചെയര്മാനും കെ.വി.ശശിധരന് നമ്പ്യാര് കണ്്വീനറും ആയ കമ്മിറ്റി ആണ് നിര്മ്മാണ പ്രവരത്തനങ്ങള്ക്ക് നേതൃത്വം നല്കുന്നത്. |
| Posted By: newsdesk On: 5/9/2008 9:41:50 AM |
|
|
| പയ്യന്നൂരില് പദ്മ സുബ്രഹ്മണ്യം നൃത്ത സന്ധ്യ |
| പയ്യന്നൂര്: ഭാരതീയ ശാസ്ത്രീയ നൃത്തരംഗത്ത് സ്വന്തം ശൈലിയിലൂടെ പ്രശസ്തിയുടെ ഔന്നത്യത്തിലെത്തിയ പത്മഭൂഷണ് ഡോ.പത്മാസുബ്രഹ്മണ്യത്തിന്റെ ഭരതനൃത്യം ശാസ്ത്രീയ നൃത്തസന്ധ്യ പയ്യന്നൂരില് ആസ്വാദകര്ക്ക് വേറിട്ട കാഴ്ചയായി. പയ്യന്നൂര് കഥകളിയരങ്ങിന്റെ ദശവാര്ഷികാഘോഷത്തിന്റെ ഭാഗമായാണ് പത്മാസുബ്രഹ്മണ്യവും ചെന്നൈ നൃത്യോദയയിലെ കലാകാരന്മാരും നൃത്തവിരുന്നൊരുക്കിയത്. ക്ലാസിക്കല് നൃത്തത്തിന്റെ സമന്വയമാണ് വേദിയില് ദൃശ്യമായത്. കന്നഡ, തമിഴ്, മലയാളം, തെലുങ്ക് എന്നീ ഭാഷകളിലെ നാട്യശാസ്ത്ര ശൈലിയാണ് പത്മാസുബ്രഹ്മണ്യം വേദിയില് ആടിയത്. ഇന്നു വൈകുന്നേരം നടനകൈരളി ഇരിങ്ങാലക്കുട അവതരിപ്പിക്കുന്ന ശാകുന്തളം കൂടിയാട്ടം നടക്കും. |
| Posted By: newsdesk On: 5/8/2008 6:34:33 PM |
|
|
| പയ്യന്നൂര് കഥകളിയരങ്ങ് പത്താം വാര്ഷികാഘോഷം |
| പയ്യന്നൂര്: കഥകളിയെ ജനകീയമാക്കുന്നതിനും ജനപ്രിയപാതയിലൂടെ കഥകളിക്ക് ഒരു വേദി ഒരുക്കുന്നതിലും വിജയിച്ച പയ്യന്നൂര് കഥകളിയരങ്ങ് പത്താംവാര്ഷികത്തിനൊരുങ്ങുന്നു. എട്ടുദിവസത്തെ ആഘോഷത്തിന് മെയ് നാലിന് വൈകിട്ട് പയ്യന്നൂര് അയോധ്യ ഓഡിറ്റോറിയത്തില് തിരിതെളിയും. നാലിന് വൈകിട്ട് കെ.ജയകുമാര് പരിപാടികള് ഉദ്ഘാടനം ചെയ്യും. മാടമ്പ് കുഞ്ഞുക്കുട്ടന്, കൈതപ്രം ദാമോദരന് നമ്പൂതിരി, മാമുക്കോയ, ഡോ. എന്.പി.വിജയകൃഷ്ണന്, വിനു വാസുദേവന് എന്നിവര് പങ്കെടുക്കും. തുടര്ന്ന് മന്നാര്ഗുഡി എം.എസ്.കെ.ശങ്കരനാരായണന്റെ നാദസ്വരക്കച്ചേരി. വൈകിട്ട് ഏഴിന് കലാമണ്ഡലം ഗോപിയും കൂട്ടരും അവതരിപ്പിക്കുന്ന 'കിരാതം' കഥകളി. അഞ്ചിന് ബാലിവധം കഥകളിയും ആറിന് സന്താനഗോപാലം കഥകളിയും നടക്കും. ഏഴിന് ഡോ. പദ്മാസുബ്രഹ്മണ്യവും ചെന്നൈയിലെ നൃത്യോദയിലെ കലാകാരന്മാരും അവതരിപ്പിക്കുന്ന ശാസ്ത്രീയനൃത്തസന്ധ്യ ഭരതനൃത്യം നടക്കും. എട്ടിന് ശാകുന്തളം കൂടിയാട്ടവും ഒമ്പതിന് കാവാലം നാരായണപ്പണിക്കര്ക്കുള്ള സ്വീകരണവും നാടകം തെയ്യത്തെയ്യംപരിപാടിയും നടക്കും. പത്തിന് വൈകിട്ട് അഞ്ചിന് നടക്കുന്ന മൗലികപ്രതിഭാ സമ്മേളനത്തില് ജഗന്നാഥവര്മ്മ, പി.ആര്.നാഥന്, ഇല്ലിക്കെട്ട് മധു കൈതപ്രം, സുരേഷ് പൊതുവാള്, എം.ടി.അന്നൂര്, മഞ്ജുളന് എന്നിവര് പങ്കെടുക്കും. തുടര്ന്ന് പി.ജയചന്ദ്രന്റെ ചലച്ചിത്ര ഗാനമേള. സമാപന ദിവസമായ പതിനൊന്നിനു രാവിലെ കലാമണ്ഡലം ഈശ്വരനുണ്ണിയുടെ മിഴാവിന്മേല് തായമ്പക, ജയരാജ് വാര്യരുടെ പ്രത്യേകപരിപാടി, ഡോ. അനിലാ സുനില്കുമാറിന്റെ ശാസ്ത്രീയനൃത്തപരിപാടി, അമ്പതോളം കലാകാരന്മാര് ചേര്ന്ന് അവതരിപ്പിക്കുന്ന ചെണ്ടമേളം, മയൂരനൃത്തം, ഇരുപത്തിയഞ്ചോളം പേര് ചേര്ന്ന് അവതരിപ്പിക്കുന്ന കര്ണാടകയിലെ പുലിനൃത്തം എന്നിവ ഉണ്ടാവും. വൈകിട്ട് നാലിന് തോരണയുദ്ധം, ബാലിവധം കഥകളിയും ഉണ്ടാവും. ചടങ്ങില് കലാമണ്ഡലം രാമചന്ദ്രന് ഉണ്ണിത്താന് മുഖ്യാതിഥിയായിരിക്കും. |
| Posted By: newsdesk On: 5/3/2008 3:31:17 PM |
|
|
| ഭാസ്കരയിലെ നാട്യപഠനശിബിരം ഇന്നു സമാപിക്കും |
| പയ്യന്നൂര്: പ്രശസ്ത നര്ത്തകദമ്പതികളായ വി.പി.ധനഞ്ജയന്റെയും ശാന്താധനഞ്ജയന്റെയും നേതൃത്വത്തില് കൈതപ്രം ഭാസ്കരയില് ആരംഭിച്ച നാട്യപഠനശിബിരം മെയ് മൂന്നിന് സമാപിക്കും. ചെന്നൈ ഭരതകലാഞ്ജലിയും ഭാസ്കരയും ചേര്ന്നാണ് ശിബിരം സംഘടിപ്പിച്ചത്. ജപ്പാനിലെ ഇറിനഗസായി, അമേരിക്കയില്നിന്ന് എത്തിയ ഡോക്ടര് അനുരാധ മുരളി എന്നിവരടക്കം തമിഴ്നാട്, ആന്ധ്രപ്രദേശ്, കൊല്ക്കത്ത, കര്ണാടക, ഗുജറാത്ത് എന്നിവിടങ്ങളില് നിന്നുള്ളവര് ഉള്പ്പെടെ എഴുപത്തിയഞ്ചു പേര് പങ്കെടുത്തു. സീതാശശിധരന്, ദീപ്തി, ഗോപുകിരണ്, ഷഫിഖുദ്ദീന് എന്നിവരും അധ്യാപകരായിരുന്നു. ശനിയാഴ്ച ആറ് മണിക്ക് സമാപന ചടങ്ങില് കണ്ണൂര് സര്വകലാശാല പ്രൊ വൈസ്ചാന്സലര് കെ.കുഞ്ഞികൃഷ്ണന്, കോഴിക്കോട് സര്വകലാശാല മുന് വൈസ്ചാന്സലര് ഡോ. കെ.കെ.എന്. കുറുപ്പ് എന്നിവര് പങ്കെടുക്കും. അറുപതിലേറെ നാട്യ വിദ്യാര്ഥികള് പങ്കെടുക്കുന്ന നൃത്തസന്ധ്യയുമുണ്ട്. |
| Posted By: newsdesk On: 5/3/2008 3:27:51 PM |
|
|
| <News Archive(upto April 2004)> | |
www.payyanur.com |